01/02/2013 10:15:27

SHBA për mbështetësit e Sirisë

Pas 22 muajve konflikt në Siri, ku si pasojë kanë humbur jetën të paktën 60 000 persona, Clinton theksoi se Iranianët ishin përfshirë aktivisht që prej fillimit

WASHINGTON - Sekretarja amerikane e Shtetit, Hillary Clinton, e cila do të dorëzojë sot postin sekretares së Shtetit, paralajmëroi Iranin dhe Rusinë për mbështetjen ushtarake dhe financiare që po i japin regjimit sirian duke akuzuar dhe Teheranin për rritjen e kësaj ndihme.

"Iranianët janë shprehur qartë para disa kohësh se mbajtja e pushtetit nga presidenti sirian, Bachar al-Assad ishte një prej prioriteve të tyre dhe ne mendojmë se ata kanë reaguar duke dërguar më shumë personel për t'i ardhur në ndihmë Assad dhe për të mbështetur forcat e amrmatosura'', theksoi Clinton për gazetarët.

"Duket se kjo përfshirje sa vjen dhe rritet, gjë që na shqetëson'', deklaroi Clinton në intervistën e saj të fundit për dhjetëra gazetarë të vendosur në Departamentin e Shtetit.

Shefja e diplomacisë amerikane, që do të lërë sot ministrinë e saj për t'i dorëzuar postin John Kerryt, nënvizoi se iranianët po përmirësonin cilësinë e armatimeve për Assad.

Clinton akuzoi gjithashtu Moskën , për mbështetjen e madhe që po i jep regjimit të Bachar al-Assad dhe që po vazhdon ta mbështesë financiarisht dhe ushtarakisht Damaskun.

"Rusët nuk janë spektatorë pasiv në mbështetjen e tyre për Assad. Ata kanë qenë shumë aktiv në shumë fronte'', theksoi ajo. "Mbrojtja e tyre ndaj Assad në Këshillin e Sigurimit në OKB ka qenë pjesë e dukshme e ndihmës së tyre, por ata kanë provuar ta mbrojnë regjimin edhe me mjete të tjera'', theksoi sekretarja amerikane e Shtetit në largim, Hilalry Clinton.

HermesNews - ©2013

Dërgo me email | Stampo artikullin