06/07/2013 15:49:15

Egjipt, nate e dhunshme: perleshje dhe arrestime

Forcat e rendit ndodheshin në gatishmëri të vendosura në disa kryqëzime dhe ura

KAJRO - Pas një nate të dhunshme, atmosfera vazhdon të jetë e tendosur në qendër të Kajros, ku mund të shihen barrikada dhe gjurmë nga përleshjet e mbrëmshme. Forcat e rendit ndodheshin në gatishmëri të vendosura në disa kryqëzime dhe ura. Disa prej automjeteve të forcave të rendit mbanin portretin e gjeneralit, Abdel Fattah al-Sissi, ideatorit të ultimatumit që solli rrëzimin nga pushteti të presidentit, Mohamed Morsi. Hyrja në sheshin "Tahrir" kontrollohej nga protestuesit anti-Morsi. Qetësia mbizotëronte në shesh, ku sot në mëngjes u mblodhën sërish protestuesit. Ndërkohë, konservatorët islamikë bënë thirrje gjatë mbrëmjes për protesta ndaj këtij grushti shteti ushtarak dhe shteti policor. Ditën e djeshme, u shënuan 26 të vdekur nga përleshjet mes mbështetësve dhe kundërshtarëve të Morsit në rajonin e Sinait, në veriperëndim të Egjiptit.

HermesNews - ©2013

Dërgo me email | Stampo artikullin