30/04/2013 16:08:32

200% më shumë të sëmurë me HIV në Greqi

Pas uljes së buxhetit për parandalimin nga virusi HIV, është vërejtur rritje drastike e rasteve të të sëmurëve me SIDA, të cilët nga viti 2011

ATHINË - Numri i të sëmurëve nga virusi HIV në Greqi është rritur 200 për qind që nga viti 2011, tregojnë rezultatet nga një hulumtim i shkencëtarëve nga universitetet e Stanfordit dhe Oksfordit.

Sipas hulumtimit, masat për kursim kanë pasoja katastrofike për shëndetin e qytetarëve në Europë dhe Amerikën Veriore duke sjellë deri në vetëvrasje, depresione dhe përhapjen e sëmundjeve infektuese pasi marrja e shërbimit mjekësor dhe ilaçeve ulet në mënyrë të ndjeshme.

Në hulumtimin, i cili pritet të publikohet gjatë kësaj jave, theksohet se kanë ndodhur më shumë se 10 000 vetëvrasje dhe rreth një milion raste të diagnosifikuara me depresion.

Konkretisht për Greqinë theksohet se pas uljes së buxhetit për parandalimin nga virusi HIV, është vërejtur rritje drastike e rasteve të të sëmurëve me SIDA, të cilët nga viti 2011 janë rritur për më shumë se 200 për qind.

Në këtë vend është regjistruar edhe rasti i parë i malaries në dekadat e fundit, për shkak uljes së mjeteve për spërkatje kundër mushkonjave.

HermesNews - ©2013

Dërgo me email | Stampo artikullin