08/04/2013 10:43:08

Izraeli përkujton viktimat e Holokaustit

Sirenat pezullohen sot në mbarë vendin. Ceremoni përkujtimore dhe në Poloni

TEL AVIV - Zhurma e sirenave pezulloi sot të gjithë Izraelin, në ditën kur shteti hebre kujton gjashtë milionë viktimat e Holokaustit. Izraeli sot është në zi pasi zhvillohen kudo ceremoni përkujtimore duke filluar nga institucionet arsimore deri te muzeumet kushtuar kujtimit të Holokaustit, ''Yad va-Shem'', Yad Mordechai dhe Lohamey ha-Getaot. Në parlamentin izraelit, Knesset, lexohen emrat e viktimave të nazizmit. Ceremoni përkujtimore zhvillohen edhe në Poloni. Në kampin e shfarosjes në Auschwitz kanë mbërritur sot shefi i shtabit të përgjithshëm të ushtrisë izraelite, gjenerali Beny Gantz, pasi do të udhëheqë marshimin ku do të marrin pjesë disa mijëra hebrenj, shume prej tyre kanë ardhur nga Izraeli. Gantz është djali i një hebreu të mbijetuar nga kampi i shfarosjes i Bergen Belsenit. Në Izrael jetojnë 192 000 hebrenj, të cilët kanë mbijetuar nga Holokausti.

HermesNews - ©2013

Dërgo me email | Stampo artikullin