02/03/2014 09:02:04

Ndryshimet klimatike të 60 viteve të fundit në 15 sekonda video

SI ndryshoi bota në 60 vitet e fundit ? 15 sekonda video

NASA - Nasa ka publikuar një video prej disa sekondash ku pasqyron ndryshimet klimatike duke nisur që nga viti 1953. Si fillim mbizotëron ngjyra blu e cila tregon temperatura mesatare mjaft të ulëta, më tej fillon të mbizotërojë gjithnjë e më shumë ngjyra e kuqe si simbol i ngritjes së vazhdueshme të temperaturave. Dora e njeriut nuk mbetet pa pjesën e saj të fajit përsa i përket këtyre ndryshimeve drastike në më pak se një shekull.

Viti 2013 u cilësua prej shkencëtarëve dhe studimeve të NASA-s si viti i katërt ndër më të ngrohtit. Nga analiza u verifikua se gjatë vitit 2013 temperatura vjetore mesatare si në tokë eshtu edhe në detë ishte 0,62 gradë celsius përtej temperaturës mesatare të shekullit të njëzet, pra 13,9 gradë.

Të dhënat tregojnë qartë për një ngritje globale të temperaturës: faktikisht 2013-a ka qenë viti i 37 i njëpasnjëshëm ku temperaturat kanë qenë më të larta se mesatarja.

Ndikim të gjerë në këto ndryshime ka patur edhe rritja e CO2 në atmosferë, por gjithsesi një pjesë e shkencëtareve janë mjaft skeptikë në fajësimin e veprimtarisë njerëzore si shkaku kryesor i ngrohjes globale. Arsyet mund të jenë edhe të krejt tjetër natyre.

Daniela Vathi

Dërgo me email | Stampo artikullin