18/03/2013 17:55:33

Të ndërpriten të gjitha kolonizimet

Prezantimi i raportit të këtij misioni për diplomatët në Gjenevë u bë ndërkohë që qeveria e re izraelite e Benjamin Netanjahut njoftoi sot se do të riforconte kolonizimin në Cisjordani

GJENEVE - Një mision ekspertësh të mandatuar nga Këshilli i të drejtave të njeriut të OKB-së i kërkoi sot Izraelit ndërprerjen e menjëhershme të kolonizimit në Territoret Palestineze dhe tërheqjen progresive të kolonëve.

Prezantimi i raportit të këtij misioni për diplomatët në Gjenevë u bë ndërkohë që qeveria e re izraelite e Benjamin Netanjahut njoftoi sot se do të riforconte kolonizimin në Cisjordani, dy ditë nga vizita e presidentit amerikan, Barack Obama.

"Misioni i kërkoi Izraelit të jetë konform dispozitave të nenit 49 të konventës së Gjenevës, të ndërpresë menjëherë dhe pa kushte paraprake kolonizimin si dhe të nisë një proces për tërheqjen e kolonëve'', deklaroi presidentja e misionit, francezja Christine Chanet, para Këshillit.

Misioni i ekspertëve i kërkoi gjithashtu Izraelit t'i japë fund çdo dhune si pasojë e kolonizimit si dhe mosndëshkimit'', nënvizoi Chanet. Misioni, i përbërë nga tre ekspertë, ka dhënë tashmë rekomandimet e tij në një raport të publikuar më 31 janar duke krahasuar kolonizimin për një sistem diskriminimi total dhe duke përmendur një kërkesë të mundshme para Gjykatës Penale Ndërkombëtare (CPI).

HermesNews - ©2013

Dërgo me email | Stampo artikullin