19/09/2013 09:40:37

Viktima nga përmbytjet në Meksikë

Kryetari i komunës Atoyac në Guerrero, Edilberrto Tabares, kishte deklaruar se të paktën 18 persona kishin vdekur si pasojë e rrëshkitjeve të tokës

AKAPULKO - Stuhia tropikale ''Manuel'', mbizotëruese në pjesën lindore të oqeanit Paqësor, u shndërrua në uragan kërcënues për Meksikën ndërkohë që stuhitë shkaktuan të paktën 80 të vdekur që prej së shtunës dhe 58 të zhdukur kryesisht nga rrëshkitjet e tokës gjatë së mërkurës së kaluar në jug të vendit.

"Në fshatin malor të shtetit meksikan Guerrero, La Pintada 58 persona konsiderohen të zhdukur, ndërkohë që nuk mund të themi ende me saktësi se fatkeqësisht mund të ndodhen tashmë nën tokë", theksoi presidenti meksikan, Enrique Penja Nieto gjatë një konference shtypi.

Pak më herët, kryetari i komunës Atoyac në Guerrero, Edilberrto Tabares, kishte deklaruar se të paktën 18 persona kishin vdekur si pasojë e rrëshkitjeve të tokës që përpinë rreth 30 shtëpi.

Nga ana tjetër, Qendra Kombëtare amerikane e Uraganëve gjatë buletinit të së enjtes tha se pjesa veriore e stuhisë ''Manuel'' ndodhej tashmë në afërsi të bregdetit të Meksikës. Sipas ekspertëve amerikanë, uragani ndodhet rreth 30 kilometra në juglindje të qytetit të Altatas dhe 165 kilometra në juglindje të qytetit Los Mochis. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin