02/11/2013 12:48:01

Rripi i Gazes pa energji elektrike

Banoret deri ne 12 ore pa energji. Nuk ka karburant

GAZA- Mbyllja e impiantit elektrik qe furnizon thuajse te gjithe zonen me 1.8 milion banore ne Rripin e Gazes, ka bere qe popullsia te vuaje deri ne 12 ore ne dite pa energji elektrike. Centrali elektrik i Gazes ka mbyllur gjeneratoret sot per shkak te mungeses se karburantit.

Fathy Asheik, presidenti i Autoritetit te Energjise se Gazes, ka thene se “nuk ka karburant te mjaftueshem per te furnizuar impiantin elektrik”. Gjate viteve te fundit per kete shkak, banoret e Gazes kane vuajtur deri ne 8 ore ne dite pa energji, e cila tashke do te rritet deri ne thuajse 12 ore. Furnizimet jane nderprere qe kur Egjipti nisi bllokimin e tuneve te kontrabandes ne kufirin mes te dy vendeve.

Autoritetet palestineze, kane premtuar se do te marrin karburant per te cuar brenda territorit pa paguar takse, duke i premtuar Hamassit per blerjen e 400 mije litrave karburant ne dite. Per fat te keq autoriteti e ka anuluar oferten, duke bere te veshtire blerjen e karburantit.

Pervec centralit elektrik qe prodhon deri ne 65 Megawat, Gaza eshte furnizuar edhe nga Izraeli me 120 Megawat, ndersa Egjipti e furnizon rajonin me energji 23 ore. Autoriteti palestinez ka thene se “te dyja vendet paguhen per enegjine qe sjellin ketu”.
Na ndiqni dhe në Facebook dhe Twitter

Edison Myrteza

Dërgo me email | Stampo artikullin