17/11/2013 16:49:58

Papa Françesku nën shënjestër

Ndërhyrjet e tij kundër korrupsionit , kundër tangjenteve dhe të ashtuquajturës “bukë e pisët” janë konsideruar tepër këmbëngulëse

ROME- Papa Françesku është nën shënjestër. Tepër këmbëngluese ndërhyrjet e tij kundër sistemit të tangjenteve apo “bukës së pisët”. Bëhet fjalë për një sistem të tërë i gjithi i zhytur kokë e këmbë në llumin e korrupsionit, jo për “mëkatarë” të rastit. Sipas të dhënave, mafia është lodhur nga ndërhyrjet e Papës dhe nuk toleron më kontrollet , masat dhe strategjitë e tij. Kjo nënkupton se jeta e tij është në rrezik.
Ndërhyrjet e tij në favor të ligjit dhe drejtësisë, prekin interesat e mafias, të përfituesve si të vegjël si të mëdhenj, gjithashtu cënon lidhjet e shumta mes mafies dhe sektorëve klerikale. Eshtë një humnerë e tërë mbi të cilën deshiron dhe mund të hedhë dritë me kërkimet e tij, por që nuk do të ishin të mirëpritura nga ana e errët.

Operacionet e errëta të Apsa-s, qindra posicione të mbyllura ndaj IOR, për të cilat nuk dihet asgjë, murgesha që marrin rryshfeta të majme, apo peshkopë që zyrtarisht marrin një rrogë prej më pak se 1.500 euro, por që, nga ana tjetër, kushedi pse e kushedi nga, u bëjnë transferta me shuma mbi një milion euro të afërmve të tyre.
Dhe e gjithë kjo ndodh në dritën e diellit , në një shtet si Italia, ku gjykata ka vërtetuar lidhjet e Berluskonit me mafian, ndërsa ministrja e drejtësisë Cancellieri e quan jo të drejtë arrestimin e njerëzve si Ligresti, të cilët kanë vjedhur nga taksa paguesit qindra miliona euro. Pra një shtet që i vë re padrejtësitë, por që zgjedhj t’i qëndrojë besnik të bekuarës heshtje.

Nëse vazhdon me këmbënguljet e tij për të hedhur dritë mbi një sistem të mpiksur në errësirë, Papa Françesku e ka punën pisk. Rrezikon të kthehet në një figurë të padëshiruar, për t’u frenuar dhe eliminuar.
Apelet e tij të shumta prekin ndërgjegjjen e të gjithë besimtarëve dhe jo vetëm, por me luftën që ka nisur nuk dihet sa mbështetje dhe përkrahje do të ketë pas vetes.

Daniela Vathi

Dërgo me email | Stampo artikullin