20/09/2014 12:38:06

Bruksel, arrestime për terrorrizëm

Mediat flasin për disa persona të arrestuar, por autoritetet nuk dëshirojnë të zbulojnë se ato janë shënjestra poteciale për të mos hapur panik në publik

BRUKSEL - Autoritetet belge kanë penguar disa atentate nga xhihadistët e kthyer në vend pas luftës në Siri dhe të cilët janë mbështetës të grupit të Shtetit Islamik, njoftoi sot një gazetë belge. "Atentatet mund të ishin të ngjashme me ato kundër Muzeut Hebre në muajin maj, ku si pasojë humbën jetën katër persona", sipas të përditshmes Echo. I dyshuari për këtë atentat, francezi Medhi Nemmouche, kishte kaluar më shumë se një vit në Siri për të luftuar me islamikët. "Mendohet të jetë rreth 400 numri i personave me kombësi belge që ndodhen në Siri për të luftuar, 90 prej të cilëve janë kthyer", sipas të përditshmes Echo. "Ne mendojmë se, mes tyre, një në nëntë ka qëllim të kryejë një atentat", theksoi për gazetën një burim. Sipas të përditshmes, disa persona janë arrestuar, por autoritetet nuk dëshirojnë të zbulojnë se ato janë shënjestra poteciale për të mos hapur panik në publik. Në Qershor, një gjykatë urdhëroi një proces gjyqësor kundër 46 personave të dyshuar si anëtarë të Sharia4Belgium, një grup islamik radikal, akuzuar për rekrutimin e të rinjve për të luftuar në Siri.

HermesNews - ©2014

Dërgo me email | Stampo artikullin