23/04/2014 08:56:52

JO zgjatje negociatash me Palestinën

Gjatë një takimi në Ramallah me gazetarë izraelitë, presidenti Abbas përsëriti se ishte i gatshëm të zgjaste bisedimet

JERUSALEM - Izraeli hodhi poshtë kërkesën e presidentit palestinez, Mahmud Abbas për zgjatje të negociatave të paqes, të bllokuara një javë nga përfundimi i afatit të përcaktuar nëntëmujor për arritjen e një marrëveshjeje. "Kushdo që paraqet të tilla kushte nuk dëshiron paqen", pohoi një zyrtar i lartë i qeverisë izralite duke ruajtur anonimatin. Gjatë një takimi në Ramallah me gazetarë izraelitë, presidenti Abbas përsëriti se ishte i gatshëm të zgjaste bisedimet edhe pas datës së përcaktuar më 29 prill, siç e dëshiron Izraeli, por me kusht që qeveria e Benjamin Netanyahut të bllokojë kolonizimin dhe të pranojë bisedimet e përcaktimit të kufijve të shtetit të ardhshëm palestinez.

HermesNews - ©2014

Dërgo me email | Stampo artikullin