26/02/2013 16:51:18

Egjipt, shpërthen balona: 19 viktima

Rreth 21 persona ishin të pranishëm në bordin e balonës, në një lartësi prej 300 metrash mbi rajonin Qourna

KAJRO - Të paktën 19 persona duke përfshirë edhe turistë francezë, britanikë dhe japonezë, humbën jetën sot nga shpërthimi i një balone me ajër të ngrohtë në Louxor, në jug të Egjiptit, bënë të ditur burime zyrtare vendase. "Të paktën 19 persona humbën jetën", theksuan burimet zyrtare vendase duke shtuar se turistë francezë, britanikë, japonezë dhe nga Hong Kongu figuronin mes viktimave. "Rreth 21 persona ishin të pranishëm në bordin e balonës, në një lartësi prej 300 metrash mbi rajonin Qourna, kur një zjarr ra në balonë, që shkaktoi shpërthimin e saj", sipas burimeve zyrtare. "Dy të mbijetuarit u transferuan në spitalin e rajonit", shtuan burimet.

HermesNews - ©2013

Dërgo me email | Stampo artikullin