12/06/2013 19:47:23

BE kritikon Erdogan per dhunen ne protesta

Ashton denoncon përdorimin e dhunës ndaj protestuesve gjatë javëve të fundit

BRUKSEL - Shefja e diplomacisë evropiane, Catherine Ashton, i bëri thirrje sot kryeministrit turk Recep Tayyip Erdogan të zgjedhë dialogun në vend të dhunës me protestuesit. "Ky është një moment i rëndësishëm për Turqinë. Përgjigja gjendet tek dialogu dhe jo tek dhuna", tha Ashton. Ashton gjithashtu denoncoi përdorimin e dhunës ndaj protestuesve gjatë javëve të fundit. "Duhet të nisen hetime të menjëhershme mbi ata që janë përgjegjës për ushtrimin e dhunës ndaj manifestuesve", shtoi ajo. "Është momenti për t'u afruar me Turqinë dhe jo për t'u larguar prej saj. Është momenti për Turqinë që të dialogojë më seriozisht me Bashkimin Evropian", theksoi Ashton. Ajo rikujtoi se Bashkimi Evropian ishte plotësisht i angazhuar në rihapjen e negociatave për anëtarësimin e Turqisë.

HermesNews - © 2013

Dërgo me email | Stampo artikullin