21/07/2014 09:03:23

GAZA: 120 viktima në një ditë

Izraeli shkatërron një lagje të tërë. OKB mbledh këshillin e sigurimit, ''armëpushim të menjëhershëm''. Më shumë se 400 viktima në 14 ditë operacione

SHAJAYA (RRIPI i GAZAS) - Një lagje e tërë në Gaza është bombarduar dhe shkatërruar terësisht nga raketat e Izraelit. Sipas mediave të huaja viktimat janë 425, ndër ta 112 fëmijë, 41 gra, 25 të moshuar. Konfirmohet dhe vdekja e 13 ushtarëve izraelitë. Sipas OKBsë, më shumë se 80 mijë banorë kanë mbetur pa banesa. Më shumë se 120 viktima në një ditë, raporton la republica, pas 14 ditësh bombardime në operacionin e koduar "Protective Edge". Hamasi ka deklaruar se ka marrë peng një ushtar izraelit, por ambasadori izraelit në OKB e përgënjështroi. Vetëm sot në mëngjes në Rafah bombardimet kanë lënë të vdekur një familje të tërë me shtatë fëmijë brenda. 15 vendet anëtare të Këshillit të Sigurimit të OKB, i mbledhur dje në New York, kanë kërkuar një armëpushim të menjëhershëm të masakrës.

HermesNews - ©2014

Dërgo me email | Stampo artikullin