25/06/2013 17:02:33

Mandela në gjëndje të rëndë: Obama pritet ta takojë të Premten

Në prag të 95 vjetorit të tij, ish-presidenti afrikanojugor, i cili luftoi aparteidin, ndodhet në gjendje të rëndë për shkak të një infeksioni pulmonar

PRETORIA - Presidenti amerikan, Barak Obama nuk do të mund të takojë ikonën botërore të luftës kundër racizmit Nelson Mandela për shkak të gjendjes së tij kritike shëndetësore, gjatë vizitës në Afrikën e Jugut, deklaroi sot ministrja afrikanojugore e Punëve të Jashtme. "Presidenti Obama do të dëshironte shumë një takim me Mandelën, por ai është në gjendje të rëndë", u shpreh ministrja Maite Nkoane Mashebane, gjatë një konference shtypi në Pretoria. "Kur dikush është i sëmurë, duhet t'i lëmë kohë të marrë veten", shtoi ajo. Në prag të 95 vjetorit të tij, ish-presidenti afrikanojugor, i cili luftoi aparteidin, ndodhet në gjendje të rëndë për shkak të një infeksioni pulmonar. Presidenti i parë me ngjyrë i SHBA, Obama u takua me Mandelan kur ishte senator në vitin 2005. Vizita e presidentit amerikan në Afrikën e Jugut pritet ditën e premte.

HermesNews - © 2013

Dërgo me email | Stampo artikullin