27/02/2013 17:11:38

Grillo refuzon votebesimin me cilendo Qeveri

Lëvizja Pesë Yjet nuk do të japë votëbesimin as për Partinë Demokrate (PD, e majtë), as për ndonjë parti tjetër

ROMË - Lëvizja Pesë Yjet (M5S), që mori një të katërtën e votave në zgjedhjet legjislative italiane, nuk do të japë votobesimin për një qeveri cilado qoftë ajo, konfirmoi sot lideri i saj, Beppe Grillo, në blogun e tij. ''Lëvizja Pesë Yjet nuk do të japë votëbesimin as për Partinë Demokrate (PD, e majtë), as për ndonjë parti tjetër'', theksoi ish-humoristi, deputetët e të cilit janë shumë të mikluar në mungesë të maxhorancës së qartë në Senat. Përveç të tjerave, ai përsëriti se lëvizja e tij që disponon 109 deputetë dhe 54 senatorë do të votojë vetëm ligjet që reflektojnë programin e tij. Këto deklarata u bënë ndërkohë që një nga hipotezat për të nxjerrë Italinë nga qorrsokaku politik të ishte një qeveri e majtë maxhoritare në parlament dhe minoritare në Senat.

HermesNews - ©2013

Dërgo me email | Stampo artikullin