07/03/2013 18:29:54

Do vetëvritej, po të mos ishte qeni

Gruaja, 63 vjeçe, kishte shkuar në kopshtin e saj, në Sorgues, me një pushkë me qëllim që të kryente vetëvrasje

AVINJON - Një grua, e cila po përpiqej t'i jepte fund jetës në banesën e saj, në jug të Francës u shpëtua nga qeni, që duke e shtyrë, ktheu tytën e pushkës të vendosur mbi zemër, njoftoi policia. Gruaja, 63 vjeçe, kishte shkuar në kopshtin e saj, në Sorgues, me një pushkë me qëllim që të kryente vetëvrasje. "Pasi u sigurua se arma funksiononte, ajo e drejtoi atë drejt zemrës", u shpreh një polic. "Në këtë moment, qeni u hodh dhe shmangu goditjen", theksoi ai duke shtuar se kafsha mund ta ketë ndjerë fatkeqësinë dhe shkoi për ta shpëtuar. 63 vjeçarja u gjend nga bashkëshorti i saj e plagosur në kraharor, por e ndërgjegjshme. Jeta e saj nuk është në rrezik. "Qeni dukej shumë i prekur nga gjesti i të zonjës", shtoi polici.

HermesNews - ©2013

Dërgo me email | Stampo artikullin