13/02/2013 18:14:52

Papa shfaqet ne publik

I pritur me entuziazëm nga turma, Papa me origjinë gjermane, 85 vjeç, dukej i lodhur por i vëmendshëm

(18:20) Papa Benediki XVI deklaroi se nuk ndihej më në gjendje fizikisht për të përmbushur detyrën e kreut të lartë të Kishës Katolike, gjatë një fajlimi të mbajtur në daljen e parë publike që prej njoftimit të dorëheqjes, që u bë ditën e hënë.

Ai u shpreh se e kishte marrë këtë vendim "për të mirën e Kishës dhe se ishte shumë i ndërgjegjshëm për seriozitetin e vendimit. Kleriku i lartë po ashtu shtoi se ''ishte i vetëdijshëm që këtë detyrë nuk do të mund ta përmbushte më me të gjithë intesitetin e lartë që vetë posti kërkonte, ndaj u drejtohej të gjithëve ta mbështesnin hapin e tij''.

Papa Benedikti XVI, i cili të hënën njoftoi dorëheqjen, u shpreh sot se "e kishte ndjerë dashurinë që të rrethonte veçanërisht gjatë këtyre ditëve të cilat për të nuk kishin qenë shumë të lehta për t'u përballuar".

"Ju kërkoj të vazhdoni të më mbani të lutjet tuaja, lutuni për mua, për Kishën dhe po ashtu për Papën e ardhshëm, Perëndia do të na udhëheqë të gjithëve'' deklaroi ai para një turme të madhe besimtarësh.


VATIKAN - Papa Benedikti XVI u shfaq sot në publik, për herë të parë pas njoftimit për dorëheqje, gjatë një seance të përgjithshme, që mblodhi rreth 3 500 besimtarë nga e gjithë bota në sallën "Paul VI" në Vatikan. I pritur me entuziazëm nga turma, Papa me origjinë gjermane, 85 vjeç, dukej i lodhur por i vëmendshëm. Ai njoftoi ditën e hënë se do të jepte dorëheqjen më 28 shkurt për shkak të pafuqisë për të drejtuar Kishën si pasojë e moshës së tij.

HermesNews - ©2013

Dërgo me email | Stampo artikullin