16/08/2013 14:25:19

Ban ki-Moon, kërkojmë besim

Gjatë një takimi disa ditë më parë në Ramallah (Cisjordani) me presidentin palestinez Mahmud Abbas, Sekretari i Përgjithshëm i OKB-së ishte shumë i qartë dhe u shpreh shumë i shqetësuar nga stimuli i vendbanimeve izraelite në Cisjordani dhe në Jerusalemin lindor

JERUSALEM - Sekretari i Përgjithshëm i OKB Ban Ki-moon i bëri sot thirrje në Jeruzalem izraelitëve dhe palestinezëve për të kapërcyer "skepticizmin" dhe për të shmangur reagime që mund të minojnë negociatat e nisura.

"Ne duhet të tejkalojmë skepticizmin e thellë që ekziston prej 20 vjetësh. I bëj thirrje të gjitha palëve që të shmangin konfliktet që mund të minojnë negociatat", deklaroi Ban Ki-Moon, gjatë një takimi me presidentin Shimon Peres.

Gjatë një takimi disa ditë më parë në Ramallah (Cisjordani) me presidentin palestinez Mahmud Abbas, Sekretari i Përgjithshëm i OKB-së ishte shumë i qartë dhe u shpreh shumë i shqetësuar nga stimuli i vendbanimeve izraelite në Cisjordani dhe në Jerusalemin lindor.

"Kolonizimi thellon mosbesimin e popullit palestinez ndaj palës izraelite në arritjen e paqes. Kolonizimi do të pengojë marrëveshjen me dy shtete", paralajmëroi Ban Ki-moon.

HermesNews - ©2013

Dërgo me email | Stampo artikullin