08/10/2013 10:49:51

Afrika e miliarderëve

Ndër figurat më të pasura në Afrikë renditen në këtë listë, 20 janë nigerianë

LAGOS (Nigeri) - Afrika ka sot shumë më tepër miliarderë se sa mendohej më parë, citon revista Ventures, ku botoi sot emrat e 55 prej tyre, ndërkohë që numri i personave të varfër rritet vazhdimisht. Ndër figurat më të pasura në Afrikë renditen në këtë listë, 20 janë nigerianë. Afrika e Jugut dhe Egjipti renditen në pozicion të dytë dhe të tretë, respektivisht me nëntë dhe tetë miliarderë me origjinë nga këto vende. Sipas revistës Ventures, sipërmarrësi nigerian Aliko Dangote, konsiderohet si personi më i pasur në Afrikë prej disa vjetësh nga Forbes, i cili kryeson me një pasuri prej 20,2 miliard dollarë.
Dangote, i cili u bë i pasur në biznesin e çimentos, tani ndodhet në krye të një perandorie të vërtetë industriale. Ai zotëron gjithashtu fabrika mielli, sheqeri dhe të produkteve të tjera ushqimore. Gruaja më e pasur e Afrikës është me origjinë nigeriane. Ajo është Folorunsho Alakija pronare e kompanisë së naftës Famfa Oil, operon në një nga zonat e naftës më produktive të Nigerisë, sipas revistës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin