21/10/2014 19:43:47

Moska mbyll hetimet

Aksidenti i pronarit të gjigantit francez të naftës, Total ka ndodhur për shkak të një neglizhence kriminale

MOSKË - Aksidenti me avionin ku humbi jetën pronari i gjigantit francez të naftës, “Total”, Christophe de Margerie, në aeroportin ”Vnokuvo” në Moskë ka ndodhur për shkak të një neglizhence kriminale të drejtorisë së aeroportit, theksoi sot komiteti rus i hetimit. “Nuk bëhet fjalë për një seri tragjike rrethanash, por të një neglizhence kriminale të funksionarëve që dështuan në koordinimin e duhur të punës së punonjësve”, njoftoi komiteti në një komunikatë. “Disa anëtarë të drejtorisë së ‘Vnukovos’ që mund të përpiqen të pengojnë hetimet do të pezullohen përkohësisht nga funksioni i tyre”, theksoi komiteti. Gjatë mbrëmjes së djeshme, një avion privat që kishte pronarin e “Total”-it në bord u përplas në ngritje me një pastruese të dëborës së aeroportit Vnukovo. Christophe de Margerie dhe tre anëtarë të ekuipazhit vdiqën në këtë përplasje.

HermesNews - ©2014

Dërgo me email | Stampo artikullin