05/01/2013 09:38:22

Peshku që kushton 1,38 milion Euro

Toni i kuq, i kapur pranë brigjeve të qytetit Oma, rajon verior në Japoni, u ble për 155,4 milionë jen

TOKIO - Një peshk ton i kuq, që peshonte rreth 222 kilogramë, u shit sot në Tokio për një vlerë prej 1,38 milionë eurosh, gjatë ankandit të realizuar për herë të parë këtë vit në tregun më të madh të peshkut në Tsukiji.

Toni i kuq, i kapur pranë brigjeve të qytetit Oma, rajon verior në Japoni, u ble për 155,4 milionë jen nga pronari i një rrjeti restorantesh shumë të njohura për ushqimin tradicional sushi, duke tejkaluar tre herë rekordin e vitit të kaluar, njoftoi një zyrtar organizator i shitjeve dhe ankande në tregjet më të mëdha të peshkut në botë.

Kiyoshi Kimura, pronari i rrjetit të restoranteve, po ashtu kishte kryer edhe blerjen më të madhe të vitit të kaluar. "Doja që të isha në lartësinë e pritshmërive kulinarike të klientëve të mij, të cilët kërkojnë të ushqehen me peshkun ton më të mirë të mundshëm, njëlloj si vitin e kaluar", deklaroi ai për agjencinë e lajmeve Jiji.

HermesNews - ©2013

Dërgo me email | Stampo artikullin