16/01/2013 17:52:40

Rrezohet ndertesa ne Egjipt: pese viktima

Të paktën 10 persona arritën të shpëtonin dhe kërkimet për të mbijetuar të tjerë vazhdojnë nën rrënojat e ndërtesës

KAJRO - Të paktën pesë persona humbën jetën sot nga rrëzimi i një ndërtese 12-katëshe në Aleksandri, në veri të Egjiptit dhe dhjetra të tjerë u plagosën, bënë të ditur burime zyrtare vendase. "Të paktën 10 persona arritën të shpëtonin dhe kërkimet për të mbijetuar të tjerë vazhdojnë nën rrënojat e ndërtesës", theksuan burimet zyrtare vendase. Kjo lloj tragjedie është e zakonshme në Egjipt për shkak të ndërtesave të vjetra. Në korrik, të paktën 19 persona humbën jetën nga rrëzimi i një ndërtese 11-katëshe në Aleksandri.

HermesNews - ©2013

Dërgo me email | Stampo artikullin