07/10/2013 09:27:49

Alarmi i Obamës: Gabimi më i vogël mund të shkatërrojë Amerikën

Rreziku i një krize të dyfishtë në ekonominë amerikane vazhdon dhe rritet, së pari kriza reale e cila ekziston tashmë dhe së dyti rrezikohet një përkeqësim nëse kriza arrin në nivelet financiare

SHBA - Milioneri Warren Buffet nuk i kursen kritikat për politikanët amerikan: “Janë ca idiota” shprehet ai pa ngurrim. Sipas tij kriza që po përfshin Shtetet e Bashkuara në këtë periudhë është vetëm faji i politikanëve, i inatit dhe kokëfortësisë së tyre, të cilat fatkeqësisht dëmtojnë rëndë ekonominë amerikane.

“Do të arrijmë në një pikë idiotësie ekstreme-shprehet Buffet- por nuk do ta tejkalojmë. Nëse shkojmë edhe pak fare më tutje rrezikojmë ta arrijmë. Nëse ky teatër vazhdon do të shohim gjëra të habitshme.”

Dhe i gjithë tregu amerikan e mendon po ashtu si orakulli i Omahas, emër me të cilin njihet miliarderi Buffet falë largpamësisë së tij dhe kapacitetit për të parashikuar saktë përsa i përket fushës ekonomike.
Rrezikohet katastrofa në ekonominë amerikane dhe, ndryshe nga shumë bankierë dhe ekonomistë të tjerë, Buffet vazhdon të insistojë mbi natyrën politike të kësaj krize, duke fajësuar në vetë të parë politikanët amerikan dhe pakujdesinë e tyre.

Edhe Hank Paulson, ish sekretar i Thesarit, siguron tregun duke ju kundërvënë politikanëve, sipas tij, të verbuar nga konfrontimi politik.

Rreziku i një krize të dyfishtë në ekonominë amerikane vazhdon dhe rritet, së pari kriza reale e cila ekziston tashmë dhe së dyti rrezikohet një përkeqësim nëse kriza arrin në nivelet financiare. Ndërkohë që Obama e quajti “shkatërrim”, Thesari amerikan foli për një katastrofë të vërtetë ekonomike duke vënë theksin mbi rëndësinë e gjendjes.

Firma e madhe United technologies, e cila bashkëpunon ngushtë me qeverinë amerikane, tregoi se sapo ka pushuar nga puna rreth 2 mijë punëtorë dhe nëse gjendja vazhdon po me të njëjtin ritëm, do të ketë 2 mijë të tjerë të papunë javës tjetër. Sa ndërmarrje të tjera gjenden në të njëjtën situatë?!

Presidenti Obama pati mbledhur të mërkurën në mbrëmje liderat republikan dhe ato demokrat, por takimi u mbyll pa asnjë rezultat. Obama është i gatshëm të kryejë disa shkurtime në shpenzimet publike, por nuk dëshiron që të preket reforma e shëndetit publik, të cilën ai e premtoi gjatë fushatës dhe përbën një nga nismat kyçe të qeverisë së tij.
Na ndiqni dhe në Facebook dhe Twitter

Daniela Vathi

Dërgo me email | Stampo artikullin