29/09/2013 14:36:40

Karl Lagerferld dhe Melissa: modeli i ri i këpucëve

Falë bashkëpunimit të fundit vjen modeli i ri i kepuceve me take prej akulloreje

PARIS - Falë bashkëpunimit të fundit të stilistit me famë të gjerë në pasarela Karl Lagerferld me firmën tashmë të njohur Melissa vjen në treg modeli i ri i këpucëve. Si gjithmonë bashkëpunimet, në veçanti në fushën e modës, sjellin rezultatet më të mira pa harruar gjurmën e origjinalitetit. Risia e këtij modeli qëndron tek taka në formë akulloreje e bërë me gomë të ricikluar. Ky detaj i vogël i takës i krijuar me shumë kujdes dhe i kuruar në çdo detaj nga kupa e gjer tek efektet xixëllues të kremit rozë, shërben si kontrast me të bardhën. Modeli i ri është tashmë i disponueshëm online në Asos, me një çmim as të ulët as të tepruar prej 156 euro. Na ndiqni dhe në Facebook dhe Twitter

Daniela Vathi

Dërgo me email | Stampo artikullin