21/06/2013 17:10:27

Pakistan, atentat ne xhami

14 të vdekur dhe 25 të plagosur, në një xhami pranë Peshauarit, në verilindje të Pakistanit

PESHAWAR - Një atentat me bombë shkaktoi sot të paktën 14 të vdekur dhe 25 të plagosur, në një xhami pranë Peshauarit, në verilindje të Pakistanit, bënë të ditur burime zyrtare vendase. "Ishte një atentat kamikaz, që shkaktoi të paktën 14 të vdekur dhe 25 të plagosur", theksuan burimet zyrtare vendase. Xhamia ndodhet në Gulshan Colony, një lagje me shumicë shiite, në periferi të Peshauarit. Një bilanc i mëparshëm njoftonte për shtatë të vdekur dhe 26 të plagosur. Një javë më parë, një atentat i dyfishtë shkaktoi të paktën 25 të vdekur në Keta, në jugperëndim të vendit.

HermesNews - ©2013

Dërgo me email | Stampo artikullin