07/09/2013 16:56:15

Australi, hapen qendrat e votimeve per zgjedhje

Koalicioni i kryesuar nga Partia Liberale ka marrë në sondazhe 54 për qind të nivelit të mbështetjes kundrejt 46 për qind për Partinë Punëtore

SIDNEJ - Qendrat e votimit u hapën sot, në Australi për zgjedhjet parlamentare, që pritet të fitohen nga opozita konservatore e kryesuar nga Tony Abbott kundër kryeministrit në largim të Partisë Punëtore, Kevin Rudd, sipas sondazheve të fundit. Rreth 14,7 milionë votues iu drejtuan qendrave të votimit. Sipas sondazhit të fundit të publikuar nga "The Australian" koalicioni i kryesuar nga Partia Liberale ka marrë 54 për qind të nivelit të mbështetjes kundrejt 46 për qind për Partinë Punëtore, të njëjtat shifra si ato të publikuara nga "Sydney Morning Herald". Opozita mund të fitojë 90 vende në parlament nga 150 vende në Dhomën e Ulët, sipas sondazheve. Kevin Rudd ishte kryeministër gjatë periudhës 2007-2010 deri sa u zëvendësua nga Julia Gillard. Kjo e fundit nuk u votëbesua as nga aleatët e saj, qershorin e këtij viti duke u zëvendësuar sërish nga Kevin Rudd. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin