17/07/2013 19:30:07

Në Greqi sot votohet për funksionet publike dhe tatimet

Projektligji, që përmban rreth 100 nene dhe që fokusohet mbi transferimin e mijëra funksionarëve, është vendimtar për të ardhmen financiare të Greqisë

ATHINË - Parlamenti grek shqyrton sot një projektligj të diskutueshëm, që do të modifikojë tatimet dhe funksionin publik, që ka nxitur tensione të forta sociale, pasi kryeministri njoftoi një reduktim të përkohshëm të TVSH-së në restaurim për të bindur deputetët hezitues.

Projektligji, që përmban rreth 100 nene dhe që fokusohet mbi transferimin e mijëra funksionarëve, është vendimtar për të ardhmen financiare të Greqisë dhe kërkohet nga kreditorët ndërkombëtarë, që vendi në krizë të përfitojë nga një këst i ri prej 6,8 miliardë eurosh.

Plani aktual i transferimit të zyrtarëve ndikon për momentin tek oficerët e policisë komunale, arsimtarët, rojat e shkollave, të cilët duhet të punojnë tetë muaj me një pagë të reduktuar, para se të pranojnë një propozim të ri, ose të largohen nga funksioni publik, në qoftë se do të refuzonin transferimin e tyre.

Rreth 4 200 prej tyre pritet të transferohen deri në fund të korrikut."Projektligji përfshin gjithashtu një kod të ri të taksave, që thjeshton 'mozaikun e përshtatjeve', bazuar në një kod, që daton që prej 60 vjetësh dhe që mbizotëronte më parë", deklaroi sekretari i Financave të Shtetit, Jorgos Mavraganis.

HermesNews - ©2013

Dërgo me email | Stampo artikullin