23/03/2014 09:30:32

Avioni Malajzian mund të gjendet

Abot, ''ne kemi gjurmë dhe një pistë të besueshme''

(13:08) Malajzia deklaroi sot se ka marrë imazhe satelitore nga Franca që tregojnë disa objekte që lundrojnë mbi ujë në zonën kryesore ku po zhvillohen kërkimet për “Boeing”-un e zhdukur të kompanisë ajrore “Malaysia Airlines”, në brigjet e Australisë. Në këto imazhe shohim disa objekte që ndodhen pranë koridorit jugor, zona ku mendohet se ka rënë avioni në Oqeanin Indian, ku po kryehen aktualisht kërkime”, njoftoi Ministria malajziane e Transporteve në një komunikim për shtyp.

SYDNEI - Kryeministri australian, Tony Abot, deklaroi sot se “shpresat e tij rriten për të ditur se çfarë ka ndodhur me fluturimin MH370 të “Malaysia Airlines”, pasi u gjendën disa objekte në jug të Oqeanit Indian. “Është ende shumë herët për të dhënë një përgjigje përfundimtare, por rëndësi ka që ne tashmë kemi gjurmë dhe një pistë të besueshme, dhe ka një shpresë të lartë, madje më shumë se thjesht një shpresë, pasi jemi shumë pranë që të dime se çfarë ndodhi me avionin dhe ku ndodhet ai”, deklaroi Abot.

HermesNews - ©2014

Dërgo me email | Stampo artikullin