06/05/2014 11:55:52

Britania akuzon rusinë për destabilizim

Moska nuk e njeh qeverinë e Kievit dhe zhvillimi i zgjedhjeve do të ishte absurd, në kontekstin aktual, sipas saj

VJENË - Rusia po kërkon destabilizimin e organizimit të zgjedhjeve presidenciale të 25 majit në Ukrainë, akuzoi shefi i diplomacisë britanike, William Hague. “Rusia duket se ka si qëllim pengimin dhe prishjen e këtyre zgjedhjeve”, theksoi ai para disa gazetarëve në Vjenë, para zhvillimit të një takimi të komitetit ministerial të Këshillit të Evropës, ku do të marrin pjesë ministri rus i Punëve të Jashtme, Serguei Lavrov dhe ministri ukrainas i Punëve të Jashtme, Andri Dechtchitsa. Hague, i cili u prit dje në Kiev, uroi që pjesa më e madhe e vendit të mblidhet për të përcjellë një mesazh shumë të fortë që zgjedhjet ukrainase duhet të zhvillohen. Moska nuk e njeh qeverinë e Kievit dhe zhvillimi i zgjedhjeve do të ishte absurd, në kontekstin aktual, sipas saj.

HermesNews - ©2014

Dërgo me email | Stampo artikullin