15/06/2013 11:40:32

Turqi, antiqeveritarët protestojnë në parkun ''Gezi''

Nata ishte e qetë në Stamboll, por ka pasur incidente në Ankara, ku policia ka përdorur gaz lotsjellës për të shpërndarë një manifestim paqësor, ku u arrestuan 50 persona, sipas manifestuesve

ANKARA - Manifestuesit antiqeveritarë të cilët janë vendosur në parkun ''Gezi'', në Stamboll kanë vendosur të mos largohen, njoftoi rrjeti televiziv privat turk NTV. Ky vendim u bë publik nga Platforma Taksim, rrjet që përfshin 116 lëvizjet protestuese. Dje kryeministri turk, Recep Tayyip Erdogan u shpreh se ''uronte që protesta të përfundonte mbrëmjen e kaluar'', por mëngjesin e sotëm përmes një deklarate Platforma Taksim ka bërë të ditur se lëvizja do të vazhdojë ''kundër çdo padrejtësie në vend. "Ky është vetëm fillimi, lufta jonë do të vazhdojë'', theksohej në deklaratën e ''Platforma Taksim''. Nata ishte e qetë në Stamboll, por ka pasur incidente në Ankara, ku policia ka përdorur gaz lotsjellës për të shpërndarë një manifestim paqësor, ku u arrestuan 50 persona, sipas manifestuesve.

HermesNews - ©2013

Dërgo me email | Stampo artikullin