10/11/2013 17:31:17

Monna Lisa tullace për fushatën kundër kancerit

Monna Lisa tullace për fushatën kundër kancerit

HermesNews - Eshtë pikërisht ajo! Monna Lisa, piktura e famshme e Leonardo da Vinci-t, që me buzëqeshjen e saj emblematike dhe misterioze ka tërhequr vëmendjen e çdo art-dashësi ndër shekuj dhe vazhdon ende të jetë një ndër pikturat më të vleresuara të maestro Da Vincit.

E kemi parë me mustaqe, me syze, me hundën prej kllouni, por kurrë tullace. Dhe ja, pikërisht këtë të fundit zgjodhi si ikonë shoqata ndërkombëtare për sensibilizimin ndaj kancerit : Monna Lisën tullace!

Kjo për të ndërgjegjësuar publikun ndaj një problemi shoqëror siç është ai i kancerit, i cili u shkatërron jetën kushedi sa grave, të cilat u nënshtrohen kurës së kemioterapisë që jep simptoma të dukshme si humbja e flokëve. Pamja e zgjedhur është me siguri prekëse ,rrënqethëse dhe padyshim jep një impakt të fortë tek publiku, por i tillë është kanceri në vetvete, i pamëshirshëm dhe vdekjeprurës!

Pas aktores Angelina Jolie, e cila tregoi publikisht për operacionet e kryera në gji për t’u mbrojtur nga kanceri i gjirit, edhe Monna Liza pa flokë, simbol i përhershëm i feminilitetit, janë shenja konkrete të një sensibilizimi më të madh shoqëror rreth sëmundjes së kancerit, në veçanti atij të gjirit, mjaft i shpeshtë tek femrat.

Me siguri do të mbetet në kujtesën kolektive për një kohë të gjatë kjo fushatë ndërgjegjësimi dhe ikona e shpërfytyruar e Xhokondes tullace. Iniciativa u ndërmor nga Ant, një shoqate vullnetare e cila prej vitesh merret me asistencën e personave të prekur nga kjo sëmundje vdekjeprurëse. Na ndiqni dhe në Facebook dhe Twitter

Daniela Vathi

Dërgo me email | Stampo artikullin