16/08/2014 11:13:26

Seul, një milionë persona për papën

Kur papa Françesku shqiptoi formulën e shenjtërimit të Paul Yun Ji-Chung dhe të 124 martirëve të tjerë, turma njëmilionëshe shpërtheu në duartrokitje të gjata

SEUL - Më shumë se një milion persona morën pjesë sot në mëngjes në meshën ku papa Françesku shenjtëroi themeluesin e kishës koreane, Paul Yun Ji-Chung dhe të 124 martirëve të tjerë të kësaj kishe. Në ditën e tretë të udhëtimit në Korenë e Jugut, përballë portës simbol të Gwanghwamunit, hyrja e rikonstruktuar e pallatit antik perandorak, papa Françesku tha se "jetojmë në një shoqëri ku, pranë pasurive të pamata, rritet në mënyrë të heshtur varfëria më e skajshme". Paul Yun Ji-Chung nuk ishte misionar i huaj, por një laik koreanojugor, i cili së bashku me të tjerë zbuloi kristianizmin falë librave të misionarit jezuit, Matteo Ricci, të sjellë nga Kina. Një histori origjinale që e bën unike kishën koreane në të gjithë botën.

HermesNews - ©2014

Dërgo me email | Stampo artikullin