21/03/2013 12:08:38

Tensione gjatë vizitës së Presidentit Obama

Presidenti Obama takohet sot në Ramallah, (Cisjordani) me presidentin e Autoritetit palestinez, Mahmud Abbas

JERUSALEM - Dy raketa të lëshuara nga Rripi i Gazës shpërthyen sot në mëngjes në jug të Izraelit pa shkaktuar të plagosur, ndërkohë që presidenti aerikan, Barack Obama vazhdon ditën e dytë të vizitës në Izrael dhe në Cisjordani, theksoi një zëdhënës i policisë. "Një prej raketave shpërtheu në oborrin e një shtëpie në qytetin Sderot duke shkaktuar dëme. Ndërsa raketa e dytë ra në një fushë'', theksoi zëdhënësi, Micky Rosenfeld. Hedhja e raketave ndodhi ndërkohë që presidenti Obama do të takohet sot në Ramallah, në Cisjordani me presidentin e Autoritetit palestinez, Mahmud Abbas. Izraeli dhe Hamasi kishin arritur nëpërmjet ndërmjetësimit të Egjiptit një armëpushim që hyri në fuqi më 21 Nëntor.

HermesNews - ©2013

Dërgo me email | Stampo artikullin