12/09/2014 13:19:41

Rregulla kundër Isis në Gjermani

Ndalohet rekrutimi i luftëtarëve për xhihadin si dhe përdorimi në publik i shenjave dhe simboleve të Shtetit Islamik

BERLIN - Ministri gjerman i brendshëm, Thomas de Maiziere njoftoi sot ndalimin e aktiviteteve që promovojnë organizatën terroriste të Shtetit Islamik, në territorin gjerman. "Gjermania është një demokraci e aftë për t’u vetëmbrojtur, nuk ka vend këtu për një organizatë terroriste (…) dhe për këtë ndaloj menjëherë aktivitetet e (…) Shtetit Islamik në Gjermani", njoftoi ministri në një konferencë shtypi. Gjithashtu ndalohet rekrutimi i luftëtarëve për xhihadin si dhe përdorimi në publik i shenjave dhe simboleve të Shtetit Islamik, si dhe të gjitha aktivitetet e financimit për këtë organizatë. "Kjo masë është një hap i rëndësishëm në luftën kundër terrorizmit ndërkombëtar, një hap i rëndësishëm për lirinë dhe sigurinë në Gjermani", tha Maiziere.

HermesNews - ©2014

Dërgo me email | Stampo artikullin