06/02/2014 16:31:48

Nuk është kohë për sanksione në Ukrainë

Ministria e Jashtme ukrainase ka thirrur ambasadorin gjerman të cilit ”i përcolli akuzat se Berlinit i mungonte paanësia pasi Steinmeier, në një itnervistë televizive, kishte prekur alternativën e përdorimit të saknsioneve si kërcënim

STRASBURG - Parlamenti Europian kërkoi sot sanksione të përcaktuara kundër zyrtarëve ukrainas të përfshirë në represionin e manifestimeve proeuropiane, duke përmendur veçanërisht funksionarët, deputetët dhe oligarkët.

Në një rezolutë, juridikisht jodetyruese, e miratuar në seancë plenare në Strasburg, Të zgjedhurit përmendiën veçanërisht si sanksione të mundshme, "ndalimin e lëvizjes" dhe "ngrirjen e pasurive".

Eurodeputetët kërkuan gjithashtu që presidenti Viktor Janukoviç "t’u japë fund ndërhyrjeve të turpshme të skuadrave speciale të policisë dhe të forcave të tjera të sigurisë që provokojnë, rrëmbejnë, shantazhojnë, torturojnë, rrahin dhe poshtërojnë militantët proevropianë".

Ata kërkojnë lirimin e menjëhershëm dhe pa kushte si dhe rehabilitimin politik të të gjithë manifestuesve dhe të burgosurve politikë, të mbajtur në mënyrë të paligjshme në burgje, përfshirë ish-kryeministren Julia Timoshenko.

Duke marrë në konsideratë dialogun në zhvillim mes qeverisë dhe opozitës ukrainase, ministri i Jashtëm gjerman, Frank-Walter Steinmeier u shpreh sot se "aktualisht nuk shikonte asnjë arsye për saknsione kundër Kievit. Me tratativat në zhvillim, nuk është momenti për të vendosur mbi sanksione eventuale", theksoi ministri në Berlin.

Pasi kishte irrituar Kievin me evokimin, gjatë ditëve të kaluara, pikërisht të një skenari sanksionesh vetëm nëse qeveria do të bllokonte dialogun, Steinmeier ishte shprehur se "duhej vlerësuar mirë shqyrtimi i sanksioneve eventuale në nivel europian". Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin