09/03/2013 09:47:29

Nicolas Maduro bën betimin si President

Maduro, 50 vjeç, i cili deri tani ka mbajtur postin e zëvendëspresidentit, do të zëvendësojë Hugo Chavezin, i cili vdiq të martën

KARAKAS - Zëvendëspresidenti i Venezuelës, Nicolas Maduro u betua dje në mbrëmje para Asamblesë Kombëtare si president i përkohshëm i Republikës, deri në zhvillimin e zgjedhjeve presidenciale."Betohem në emër të besnikërisë së plotë ndaj komandantit Hugo Chavez se ne do të respektojmë Kushtetutën Bolivariane (...) Betohem!", deklaroi Maduro në një ceremoni të transmetuar nga rrjetet televizive vendase. Maduro, 50 vjeç, i cili deri tani ka mbajtur postin e zëvendëspresidentit, do të zëvendësojë Hugo Chavezin, i cili vdiq të martën. Ai do të drejtojë vendin deri në zgjedhjet e parakohshme presidenciale, që sipas kushtetutës së Venezuelës pritet të zhvillohen brenda një muaji.

HermesNews - ©2013

Dërgo me email | Stampo artikullin