13/05/2013 10:43:03

Zjarri brenda fabrikës, tre viktima në Lion të Francës

Zjarri që shpërtheu gjatë orëve të natës, ka shkatërruar plotësisht fabriken ku ndodheshin 200 romë

LION - Tre persona, dy gra dhe një fëmijë, sipas një bilanci provizor, kanë mbetur të vdekur nga një zjarr në një fabrikë ku ndodheshin të paktën 200 romë në Lion, njoftuan burime nga Zyra e zjarrfikësve të prefekturës. ''Zjarri tepër i fortë, që shpërtheu gjatë orëve të natës, ka shkatërruar plotësisht ndërtesën'', sipas zëvendëskreut të ekipeve të zjarrfikësve të Rhone, Jean-Philippe Gueugneau, i cili kryesonte operacionet e shpëtimit. Gjatë një konference të shpejtë me mediat në vendngjarje, ai theksoi se "shumë shpejt dy katet e sipërme të ndërtesës janë përfshirë nga flakët dhe shkallët u shembën. Po ashtu e gjithë pjesa e sipërme është djegur'', shtoi ai.

HermesNews - ©2013

Dërgo me email | Stampo artikullin