30/04/2014 16:38:58

Siri, bombardohet shkolla

Të paktën një profesor bën pjesë mes personave që kanë humbur jetën nga sulmet kundër shkollës, Ain Jalut, në lagjen Ansar

BEJRUT - Të paktën 18 persona, 10 prej të cilëve fëmijë u vranë sot pas sulmeve nga aviacioni i regjimit sirian kundër një shkolle në një lagje rebele në Alepo, theksoi Observatori sirian për të Drejtat e Njeriut (OSDH). ”Të paktën një profesor bën pjesë mes personave që kanë humbur jetën nga sulmet kundër shkollës, Ain Jalut, në lagjen Ansari”, theksoi OJQ. Ushtria ajrore ndërmori më 15 dhjetor një ofensivë kundër sektorëve të rebelëve të ish-kryeqytetit ekonomik të Sirisë, ndarë mes lagjeve pro dhe anti-regjim. OJQ-ja ndërkombëtare ”Human Rights Watch” akuzoi dje regjimin se po kryen pa asnjë arsye këto bombardime, që po prekin rregullisht civilët.

HermesNews - ©2014

Dërgo me email | Stampo artikullin