15/05/2014 18:11:59

$140 mld pastrohen në baste

Zhvillimi i shpejtë i tregut global të basteve sportive ka përjetuar një rritje të riskut të infiltrimit të këtyre basteve nga organizatat kriminale dhe teknikave të pastrimit të parave

PARIS - Organizatat kriminale pastrojnë çdo vit më shumë se 140 miliardë dollarë në bastet sportive në shkallë botërore, një shifër alarmante që pasqyron kërcënimet që rëndojnë mbi integritetin e garave sportive, vlerëson një raport. “Zhvillimi i shpejtë i tregut global të basteve sportive ka përjetuar një rritje të riskut të infiltrimit të këtyre basteve nga organizatat kriminale dhe teknikave të pastrimit të parave”, u shpreh Chris Eaton, drejtues për integritetin e sportit në Qendrën ndërkombëtare për sigurinë në sport (ICSS), një institucion ndërkombëtar i pavarur me seli në Doha (Katar). ICSS-ja dhe Universiteti “Paris-1 Panteon-Sorbone” kanë punuar së bashku gjatë këtyre dy viteve të fundit në nxjerrjen e një raporti mbi integritetin e sportit në mbarë botën, e publikuar sot me rastin e një forumi të organizuar në fakultetin francez. Ky raport vlerëson mes së tjerash se 140 miliardë dollarë (më shumë se 100 miliardë euro) shuma të pastruara nga organizatat kriminale një mënyrë e tërthortë e basteve sportive në botë.

HermesNews - ©2014

Dërgo me email | Stampo artikullin