04/09/2014 11:59:06

Ukraina përgatitet për në NATO

Lavrov, ''në çastin ku jemi gati duke studiuar aspekte që do të ndikojnë në fillimin e zgjidhjes së problemeve mes Kievit dhe rebelëve, autoritetet ukraianse njoftuan se do t’i japin fund statusit jasht blloqeve dhe të rifillojnë aderimin në NATO''

(13:30) Rusia paralajmëroi Ukrainën sot kundrejt planeve të saj për rifillimin e procesit të aderimit në NATO, duke theksuar se kjo rrezikon të vështirësojë përpjekjet për një zgjidhje të konfliktit në lindje të vendit. "Pikërisht në çastin ku jemi gati duke studiuar aspekte që do të ndikojnë në fillimin e zgjidhjes së problemeve mes Kievit dhe rebelëve, autoritetet ukraianse njoftuan se do t’i japin fund statusit jasht blloqeve (të Ukrainës) dhe të rifillojnë aderimin në NATO", deklaroi ministri rus i Punëve të Jashtme, Serguei Lavrov. "Është një përpjekje e qartë për të hedhur posht të gjitha përpjekjet që synojnë fillimin e një dialogu për garantimin e sigurisë kombëtare", theksoi Lavrov.


(13:25) Implikimi rus në terren në lindje të Ukrainës ngre dyshime mbi vullnetin real të Rusisë për arritjen e një armëpushimi, deklaroi sot në Newport sekretari i përgjithshëm i NATO-s, Anders Fogh Rasmussen. "Për sa i përket të ashtuquajturit plan paqeje (të propozuar nga presidenti rus Vladimir Putin), më lejoni të përshëndes të gjithë përpjekjet e ndërmarra për gjetjen e një zgjidhje paqësore ndaj krizës Ukrainas", deklaroi Rasmussen për median para fillitmit të mbledhjes së NATO-s, që zhvillohet në Uells. Kriza në Ukrainë, ku Rusia akuzohet nga Perëndimorët se po dërgon trupa që të luftojnë në krahë të separatistëve prorusë, do të dominojë debatet gjatë ditës së parë në mbledhjen e Aleancës së Atlantikut.


VARSHAVË - Presidenti i ukrainës Petro Poroshenko pritet të bisedojë me liderët e gjashtë vendeve, SHBA, Francë, Gjermani, Britania e Madhe, dhe Itali, para çeljes së samitit të NATOs në Uells. Lajmi u dha nga një burim britanik, duke thënë dhe se David Cameron ka ndërmend t'i japë një mesazh solidariteti dhe t'a vërë përballë Barack Obama-s, Angela Merkel, Francois Hollande dhe Matteo Renzit, për të folur rreth prespektivës së një armëpushimi që u kërkua dje nga Poroshenko në një takim me me Vladimir Putin.

HermesNews - ©2014

Dërgo me email | Stampo artikullin