06/10/2014 20:00:47

Raporti i KE flet për shtet ligjor

Publikimet e para të raportit pak ditë para se të dalë zyrtarisht

TIRANË - Komisioni Europian bën të ditur paraprakisht disa konstatime të raport - progresit për të gjitha vendet që aspirojnë të hynë në Bashkimin Europian. Në krye të listës është shteti ligjor që sipas Komisionit Europian është në zemër të proçesit të zgjerimit. "Vendet aspirante duhet të luftojnë krimin e organizuar dhe korrupsionin që cënon vlerat demokratike dhe ndikon negativisht në zhvillimin ekonomik të një vendi, zhvlerëson arsimin dhe standardet demokratike", shkruan Kie në një pjesë të raportit. KE vlerëson se sistemi gjyqësor duhet të jetë efektiv dhe i paanshëm është pika tjetër e rëndësishme e procesit. Kjo, përfshin qasje në drejtësi, gjykim të drejtë, financim adekuat për gjykatat dhe trajnim për magjistratët. Mjedis të qëndrueshëm për bizneset, është një tjetër shtyllë. Kjo sipas KE ofron siguri ligjore për bizneset, stimulim për investimet dhe vende pune. Për vendet aspirante kërkohet luftë aktive kundër krimit të organizuar, armët, drogën, trafikimin e qënieve njerëzore, si dhe financiare, kibernetike dhe krimit mjedisor. Këto janë disa nga pikat kryesore që Komisioni Europian konsideron jetike para anëtarësimit të një vendi në familjen Europiane.

HermesNews ©2014

Dërgo me email | Stampo artikullin