29/12/2013 09:20:40

Erdogan kundër gjyqtarëve

''Disa magjistratë, fatkeqësisht, bashkëpunojnë me grupe kriminale dhe disa media për të goditur njerëz të pafajshëm duke përhapur dokumente konfidenciale''

STAMBOLL - Kryeministri turk Recep Tayip Erdogan ka denoncuar sërisht gjyqtarët që janë në origjinë të skandalit politiko-financiar të paprecedent që rrezikon qeverinë e tij duke i akuzuar se po punojnë me organizata kriminale për të goditur njerëz të pafajshëm. "Disa magjistratë, fatkeqësisht, bashkëpunojnë me grupe kriminale dhe disa media për të goditur njerëz të pafajshëm duke përhapur dokumente konfidenciale", deklaroi kryeministri Erdogan gjatë një fjalimi para përkrahësve të vetë. "Ne duam unitet dhe solidaritet pasi disa lëvizje, media dhe rrethe politike nga brenda Turqisë kanë orkestruar këtë komplot të turpshëm", shtoi ai gjatë këtij tubimi të organizuar nga Partia e tij Drejtësi dhe Zhvillim (AKP). Në pushtet që nga viti 2002, Erdogani është prekur nga një skandal politiko-financiar të pa precedent që e dobëson autoritetin e tij, tre muaj para zgjedhjeve lokale. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin