26/01/2014 11:18:54

Rumania paralizohet nga i ftohti

Trafik ajror ishte gjithashtu i rënduar në Bukuresht

BUKURESHT - Një shtresë e trashë dëbore mbulonte sot jugun dhe lindjen e Rumanisë duke shkaktuar mbylljen e tre autostradave, anulimin e rreth 20 udhëtimeve hekurudhore dhe kaos në trafikun ajror, njoftuan autoritetet.
Rreth 10 rrugë kombëtare ishin gjithashtu të bllokuara sot pas rënies së reshjeve të shumta të dëborës që dje në mbrëmje, bëri të ditur Kompania kombëtare e rrugëve në Rumani.

Trafiku ajror ishte gjithashtu i rënduar në Bukuresht, me rreth 10 fluturime të anuluara dhe me vonesa të regjistruara, ndërkohë që stuhitë e erës arritën shpejtësinë 75 kilometra në orë.

Era solli edhe mbylljen e katër porteve në Detin e Zi: Mangalia, Midia, Constanta dhe Agigea. Më tepër se 100 fshatra kanë mbetur pa energji elektrike për shkak të stuhirave të dëborës dhe afro 6 000 persona po punojnë për pastrimin e rrugëve nga dëbora.

Rreth 20 rajone në jug dhe në lindje të vendit janë në gjendje alarmi për shkak të erërave shumë të ftohta deri nesër në mbrëmje. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin