11/10/2013 20:44:49

Shkup, viktima ne nje aksident rrugor

Sipas policisë, automjeti "BMW" me të cilin kanë udhëtuar pesë personat, me inicialet A.S., B.S., G.Gj., Zh.K. dhe F.B. të gjithë në moshën 27 dhe 28 vjeçare, ka humbur kontrollin dhe ka dalë nga rruga

SHKUP - Pesë të rinj kanë humbur jetën mëngjesin e sotëm në një aksident të rëndë rrugor që ka ndodhur rreth orës 03:00 në "Bulevardin jugor" në afërsi të "Rampës" në Shkup, njoftoi Ministria e Brendshme maqedonase. Sipas policisë, automjeti "BMW" me të cilin kanë udhëtuar pesë personat, me inicialet A.S., B.S., G.Gj., Zh.K. dhe F.B. të gjithë në moshën 27 dhe 28 vjeçare, ka humbur kontrollin dhe ka dalë nga rruga. Automjeti është përplasur me një objekt dhe nga goditja të gjithë personat kanë vdekur në vendngjarje. Policia ende po kryen hetime në vendin e aksidentit, ndërsa qarkullimi në këtë pjesë të qytetit po zhvillohet me vështirësi. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin