22/03/2013 16:08:59

Fillon seanca për Kosovën në Këshillin e Sigurimit

Pasdite në selinë e OKB-së kryeministri Thaçi do ta takojë Sekretarin e Përgjithshëm, Ban Ki-moon, i cili ka takuar edhe kryeministrin serb

PRISHTINË - Këshilli i Sigurimit sapo filloi seancën për Kosovën, ku shqyrtohet Raporti më i ri tremujor i Sekretarit të Përgjithshëm të OKB-së, Ban Ki-moon, ndërsa po marrin pjesë edhe kryeministri kosovar, Hashim Thaçi, me ftesën e kryesuesit të radhës, si edhe kryeministri serb Ivica Daçiç. Dy kryeministrat shkuan në Nju Jork pas takimit në Bruksel para dy ditësh në raundin e shtatë të procesit të dialogut për normalizimin e marrëdhënieve Kosovë-Serbi, kryesuar nga BE e mbështetur nga SHBA. Sekretari i Përgjithshëm i OKB-së, që në fillim të raportit, përshëndet dialogun midis Kosovës dhe Serbisë në Bruksel, të cilin e quan “një progres i rëndësishëm”. Pasdite në selinë e OKB-së kryeministri Thaçi do ta takojë Sekretarin e Përgjithshëm, Ban Ki-moon, i cili ka takuar edhe kryeministrin serb.

HermesNews - ©2013

Dërgo me email | Stampo artikullin