31/12/2013 11:48:57

Nasa fsheh pamjet e objektit të madh që goditi Diellin

Nasa fsheh pamjet e objektit qe goditi Diellin

NASA - Një objekt i madh ka goditur Diellin mes ditës së Krishlindjes më 25 dhjetor dhe Shën Stefanit me 26. Nasa papritur ka errësuar pamjet për orë të tëra.

Më saktësisht ngjarja kozmike ka ndodhur mes orës 22.36 dhe 05.06 dhe për pothuajse shtatë orë u ndërprenë pamjet e njërës prej sondave që vëzhgojnë Diellin. Më vonë u kthye gjithçka në normalitet, por një ngjarje e tillë s’kishte ndodhur kurrë më parë në NASA.

Cfarë të ketë ndodhur në atë periudhë kohore kur u ndërprenë lidhjet me sondën vëzhguese?

Pamje të tjera të marra nga një nga sondat Soho tregojnë një objekt që ka goditur sipërfaqen e yllit tonë duke krijuar një lloj shtëllunge pluhuri dhe disa “flares”, shpërthime të vogla diellore.

Më pas pamjet e marra nuk lejojnë që të kuptohet qartë se çfarë ka ndodhur saktësisht me yllin e planetit tonë. Ende nuk dihet nëse bëhej fjalë për një asteroid apo thjeshtë një “ndriçim” diellor që ka ngritur pluhurin e filmuar nga sondat diellore.

Pamjet e marra, por edhe fakti se NASA ndërpreu lidhjet me sondën papritur, janë përhapur kudo në web, shpesh duke përhapur teori pa themele e pa prova, por që arrijnë të shkaktojnë alarm tek njerëzit.

Natyrisht edhe vetë fakti se NASA ka errësuar pamjet për plot shtatë orë ka ngritur debate të shumta.

Daniela Vathi

Dërgo me email | Stampo artikullin