30/04/2013 10:25:21

Huffington Post së shpejti edhe në gjermanisht

Në bashkëpunim me një prej kompanive më të mira dixhitale gjermane, Huff.post bëhet gati për edicionin e saj në gjuhen gjermane

WASHINGTON - Siti web i informacionit Huffington Post në bashkëpunim me Tomorrow Focus, një nga kompanitë kryesore të mediave dixhitale gjermane, do të mundësojë brenda fundvitit edhe versionin gjerman të këtij siti.

Huffington Post lindi nga një ide e Arianna Huffington dhe është një portal me informacione falas, përbën një miks lajmesh, blog, gossip, etj, por nuk mungojnë dhe informacionet rreth politikës, ekonomisë, spektaktit dhe ambjentit.

Tashmë ky sit ka versionet ndërkombëtare në Mbretërinë e Bashkuar, në Kanada, në Francë, në Spanjë dhe Itali dhe në maj është programuar lancimi i tij për të gjashtën herë edhe në Japoni.

Daniela Vathi

Dërgo me email | Stampo artikullin