08/04/2013 09:53:23

OSBE ndërhyn 'tregoni maturi'

OSBE i kërkoi Komisionit Zgjedhor, që do të mblidhet në mesditë në Podgoricë, ka përcaktuar rezultatin e zgjedhjeve për të riforcuar besimin e qytetarëve në procesin demokratik

(16:14) OSBE i kërkoi sot dy kandidatëve në zgjedhjet presidenciale në Malin e Zi, të cilët pretendojnë secili fitoren, të japin prova maturie dhe të lejojnë institucionet përkatëse të japin rezultatet e zgjedhjeve të zhvilluara dje në këtë ish-republikë jugosllave, që po negocion anëtarësimin e saj në Bashkimin Europian.

Presidenti në largim, Filip Vujanoviç, ashtu dhe kundërshtari i tij, Miodrag Lekiç vetëshpallën fitoren dje në mbrëmje në përfundim të zgjedhjeve, me rrezikun e zhytjes së vendit në një krizë politike.

"Maturimi i një vendi tregohet gjithashtu nga mënyra se si pjesëmarrësit dhe institucionet shtetërore përfundojnë proçesin zgjedhor'', theksoi në një komunikatë OSBE, vëzhguesit e të cilës kanë ndjekur zgjedhjet.

Në mungesë të rezultateve zyrtare, Komisioni zgjedhor ka vetëm 24 orë për të publikuar rezultatet përfundimtare, Vujanoviç, partia e të cilit drejton Malin e Zi që prej 20 vjetësh, theksoi se kishte marrë 51,3 për qind të votave kundër 48,7 për qind për Lekiç.


PODGORICË - Kandidati i opozitës malazeze në zgjedhjet presidenciale, Miodrag Lekiç, e cilësoi ''grusht shteti'' deklaratën e kundështarit të tij, presidentit aktual, Fililp Vujanoviç, sipas të cilit ishte ky i fundit që kishte fituar zgjedhjet presidenciale në vendin e vogël ballkanik prej 600 000 banorësh, thanë burime të ndryshme.

''Pas numërimit të 97 për qind të votave, qytetarët e Malit të Zi më dhanë fitoren'', u deklaroi Lekiç simpatizantëve të tij. ''I kërkoj Filip Vujanoviçit të jetë serioz dhe i përgjegjshëm në deklarimin e fitores së tij'', shtoi ai. ''Me deklaratën se ka fituar, presidenti në detyrë po kryen një grusht shteti'', theksoi Lekiç. "Rezultatet janë manipuluar'', shtoi ai.

HermesNews - ©2013

Dërgo me email | Stampo artikullin