05/05/2014 17:02:08

Mbyten klandestinët në Greqi

Përplasen varkat me emigrantë që vinin nga Turqia në drejtim të greqisë

ATHINE - Dy persona kanë humbur jetën dhe me dhjetëra të tjerë janë shpallur të zhdukur pas mbytjes së dy varkave me emigrantë në bord në detit Egje. Lajmi u konfirmua nga rojat bregdetare greke. Në bordin e varkave ishin 65 emigrantë që vinin nga Turqia, me kombësi të panjohur. Dy persona vdiqën ndërkohë që për momentin janë shpëtuar vetëm 36. Greqia është njëra prej pikave kryesore të hyrjes në Bashkimin Europian për emigrantët të cilët i largohen luftës në vende përgjithësisht afrikane.

HermesNews - ©2014

Dërgo me email | Stampo artikullin